臨李曉明牡丹完成圖

上次墨紅色的牡丹因為漏礬，最終都要放棄，好想畫一朵白色的牡丹，但又不想花時間練另一張牡丹圖，於是將上次墨紅色牡丹嘅圖改成白色，另外再加一只蝴蝶，得 carmen 指點，執過部份花瓣暗位和葉子層次之後，就開始第一次畫蝴蝶之旅，蝴蝶係第一次畫，所以留到最後邊看視頻邊畫，未到邊、過界、手震等等層出不窮，用放大鏡都畫到一塌糊塗，噚日畫咗半日蝴蝶，今日再執梗、莖、花蕊、花絲和老幹部份，總算是第一次完成一張完整的牡丹圖，雖然蝴蝶部份好肉酸，花頭亦唔夠好，因為呢張花房周圍唔夠深色，所以突顯唔到花蕊，而家知道點解要咁深色囉~